Нападот со беспилотни летала врз Москва во ноќта помеѓу 10 и 11 август привремено го ограничи сообраќајот на градските аеродроми. Руските власти соопштија дека се уништени најмалку 13 беспилотни летала, информацијата ја објавија градоначалникот на Москва, Сергеј Собјанин и Федералната администрација за воздухопловство (Росавијација).
Градоначалникот Сергеј Собјанин првично објави дека воздушната одбрана соборила седум беспилотни летала на пат кон Москва, пишува Украинска правда. Подоцна објави дека се уништени уште шест летала. Службите за итни случаи беа испратени на местата на несреќата.
Ограничувања на воздушниот сообраќај
Поради нападот, Федералната администрација за воздухопловство воведе ограничувања на московските аеродроми Домодедово и Жуковски. Тие можеа да примаат и испраќаат авиони само со одобрение од надлежните служби. Агенцијата подоцна објави дека сите ограничувања се укинати.
Руските власти, исто така, известија за напад со беспилотни летала наутро на 28 јули. Потоа беше објавено дека десетици летала одат во правец на Москва, а по тој напад избувна пожар во фабрика во Московскиот регион.
Текстот Нов напад со дронови врз Москва: воведени се ограничувања на аеродромите е превземен од МАКФАКС.
