Претседателот на Украина, Володимир Зеленски, треба да пристигне во Србија на 8 август, што ќе биде негова прва посета на оваа земја. Оваа информација беше потврдена за „Киев Индепендент“ од висок украински функционер.
Посетата се смета за симболично важна бидејќи Србија традиционално одржува блиски односи со Русија. Од почетокот на руската инвазија на Украина во 2022 година, Белград се обидува да ги балансира своите врски со Москва и односите со Западот.
Русија историски е еден од клучните дипломатски сојузници на Србија, а земјата е исто така во голема мера зависна од рускиот природен гас. Српскиот претседател, Александар Вучиќ, присуствуваше на воената парада по повод Денот на победата во Москва минатата година, но оваа година не беше на церемонијата.
Во исто време, Вучиќ ја оствари својата прва официјална посета на Украина во јуни 2025 година и учествуваше на самитот Украина-Југоисточна Европа во Одеса. Тој повторно го посети Киев на 15 јули оваа година како дел од делегација на европски лидери по повод Националниот ден на Украина.
Според некои извештаи, Србија индиректно снабдувала оружје со Украина, но Вучиќ јавно ги негираше овие тврдења во мај 2025 година.
фото/ЕПА
Текстот Зеленски во прва посета на Србија е превземен од МАКФАКС.
