Полицијата приведе 26-годишен жител на село Лојане, осомничен дека извршил кражба во трговски објект во селото.
Од Министерството за внатрешни работи информираат дека на 31 јули 2026 година во 15:40 часот, полициски службеници од Полициското одделение Матејче го лишиле од слобода Р.Б. (26) од село Лојане.
Апсењето уследило по претходна пријава дека во текот на ноќта меѓу 30 и 31 јули, со употреба на сила влегол во трговски објект во село Лојане, од каде одзел пари и кутии со цигари.
Дел од украдените предмети биле пронајдени и вратени на сопственикот.
Р.Б. е задржан во полициска станица, а по целосно документирање на случајот против него ќе следува соодветна пријава.
Текстот Украл пари и цигари од продавница во Лојане: приведен 26-годишник е превземен од МАКФАКС.
