Турската полиција утрово приведе неколкумина учесници на протестот против НАТО што се одржа во центарот на Анкара и покрај строгите безбедносни мерки и општата забрана за протести за време на самитот на алијансата, објавија локалните медиуми.

Во видео клип од опозицискиот весник „Џумхуриет“ објавен на платформата X, полицајци ставија лисици на рацете и ги влечеа демонстрантите во полициски автобус во близина на паркот Куртулуш во Анкара. Полицијата го блокираше протестот, на седум километри од местото на одржување на самитот.

Мала група, вклучувајќи пратеници од опозицијата, се обиде да маршира носејќи транспаренти. „НАТО, оди си, оваа земја ни припаѓа нам“, скандираа тие. Пратениците од турската Работничка партија и Лабуристичката партија повикаа на ослободување на сите оние што учествуваа во протестите против НАТО.

Стотици луѓе веќе се приведени низ цела Турција пред самитот на НАТО. Меѓу нив се новинари, академици и членови на левичарски групи.

Генералниот секретар на НАТО, Марк Руте, ја нагласи важноста на правото на протест, одговарајќи на новинарско прашање за репресијата на Турција.

Низ главниот град се воведени засилени безбедносни мерки, со распоредени повеќе од 56.000 безбедносни сили, објави државната телевизија ТРТ.

фото/ЕПА

Текстот (Видео) Протест во Анкара пред самитот на НАТО, демонстрантите се судрија со полицијата е превземен од МАКФАКС.

ПОВРЗАНИ НАПИСИПОВЕЌЕ ОД АВТОРОТ