Шерон Стоун се врати на модната писта по повеќе од три децении.

Познатата Шерон Стоун (68) прошета по пистата на ревијата Vetements Menswear за пролет/лето 2027 за време на Неделата на модата во Париз. Тоа беше нејзино прво појавување на писта по 33 години.

Стоун носеше преголемо бело сако со црна кошула со јака и бела вратоврска, како и црни латекс чизми со потпетици што достигнуваа над колената.

Нејзината руса коса беше стилизирана во права боб фризура и собрана зад ушите.

Стоун последен пат прошета по пистата на ревијата „Valentino“ за пролет/лето 1994 за време на Неделата на модата во Париз во октомври 1993 година. Актерката ја затвори ревијата облечена во бел мини фустан, чипкани хулахопки и вел до подот.

Со ова појавување на пистата, таа повторно предизвика лавина од коментари за нејзиниот изглед и фактот дека е одамна во седмата деценија.

Иако станува збор за машка ревија и машка колекција, Шерон уште еднаш ја покажа целата своја женственост, но и способност да одговори на секоја модна задача.

Текстот (Фото/Видео) Таа се врати по 33 години: Во седмата деценија и закопчана сè уште „гори“ е превземен од МАКФАКС.

ПОВРЗАНИ НАПИСИПОВЕЌЕ ОД АВТОРОТ