Американскиот претседател Доналд Трамп објави на Truth Social дека ги откажал планираните напади и бомбардирања на Иран вечерва. Како причина го наведе напредокот во преговорите со Техеран.
Трамп тврди дека разговорите со Иран достигнале највисоко ниво на иранското раководство и се одобрени. Тој изјави дека поради ова, како претседател на САД, ги откажал закажаните напади, пишуваат медиумите.
„Врз основа на фактот дека разговорите со Исламската Република Иран се доведени до највисоко ниво на иранското раководство и се одобрени, јас, како претседател на Соединетите Американски Држави, ги откажав планираните напади и бомбардирања на Иран вечерва“, напиша Трамп.
Based on the fact that discussions with the Islamic Republic of Iran have been brought to the highest level of Iranian leadership and approved, I have, as President of the United States of America, cancelled the scheduled strikes and bombings against Iran this evening.… pic.twitter.com/m3ls9mTy46
— Commentary Donald J. Trump Truth Social Posts On X (@TrumpTruthOnX) June 11, 2026
Тој додаде дека разговорите и последните точки од договорот, „во концепт и во многу детали“, биле одобрени од сите вклучени страни. Меѓу нив ги спомена САД, Израел, Саудиска Арабија, Обединетите Арапски Емирати, Катар, Турција, Пакистан, Бахреин, Кувајт, Јордан, Египет и други.
Трамп рече дека блокадата во Ормускиот ќе остане.
„Поморската блокада ќе остане во полна сила и ефект сè додека не се финализира оваа трансакција. Времето и местото на потпишување ќе бидат објавени наскоро“, напиша Трамп. Трамп во последните недели постојано повторуваше дека договорот со Иран е блиску, но сè уште не е постигнат.
Претходно Трамп најави дека вечерва САД ќе го нападнат Иран „многу јако“.
Текстот Трамп: Ги откажувам нападите врз Иран, постигнавме напредок во преговорите е превземен од МАКФАКС.
