Доналд Трамп помладиот, најстариот син на американскиот претседател, ќе се ожени со Бетина Андерсон, позната личност од Палм Бич, овој викенд. Според две лица запознаени со плановите, церемонијата ќе се одржи на мал остров на Бахамите, а списокот на гости е намерно сведен на помалку од 50 луѓе за да биде настанот што е можно поинтимен. Не се очекува претседателот Доналд Трамп да биде меѓу гостите, објави Си-Ен-Ен.
Трамп: Ќе се обидам да дојдам
Кога го прашаа дали ќе присуствува на свадбата на неговиот син, Доналд Трамп рече дека ќе се обиде да дојде, но дека времето не му е погодно.
Reporter: Are you attending your son’s wedding?
Trump: He’d like me to go. I’m going to try. I said, this is not good timing for me. I have a thing called Iran and other things. He’s a person I’ve known for a long time. pic.twitter.com/mMR2p9TwVW
— Clash Report (@clashreport) May 21, 2026
„Би сакал да дојдам. Ќе се обидам. Реков, времето не ми е многу погодно. Се занимавам со нешто што се вика Иран и други работи. Тој е некој што го познавам многу долго време“, рече Трамп.
Еден од изворите изјави за Си-Ен-Ен дека долго време се очекувало Трамп да не присуствува, делумно поради желбата на двојката за исклучително приватна церемонија. Неговото пристигнување дури и не било наведено во јавниот распоред на претседателот.
„Без разлика како и да биде, не можам да победам. Ако дојдам, ќе ме распнат. Ако не дојдам, повторно ќе ме распнат“, рече претседателот за потенцијалното негативно медиумско внимание.
Текстот (Видео) Трамп: Ќе се обидам да дојдам на свадбата на мојот син, го познавам долго време е превземен од МАКФАКС.
