Актерката Блејк Лајвли предизвика возбуда со своето пристигнување на Мет Гала, веројатно затоа што многумина не очекуваа таа да присуствува на овој голем настан, токму сега кога повторно е во центарот на вниманието поради завршувањето на нејзиниот правен спор со Џастин Балдони.
Поради сето ова, таа беше наречена „најомразената личност во Холивуд“, но тоа не ја спречи да ја покаже целата елеганција и гламур што ја поседува, а Мет Гала традиционално е нејзиното омилено место за тоа.
За оваа пригода, таа избра архивски фустан од модната куќа Версаче од 2006 година. Пастелни бои и огромен дел што се влече, сè беше во стилот на Блејк Лајвли, додека горниот дел од фустанот наликуваше на корсет и беше украсен со светки.
Последниот пат кога Блејк беше на Мет Гала беше во 2022 година, но дури и сега не го криеше возбудувањето што имаше можност повторно да се качи по познатите скали.
„Чест ми е да бидам со Донатела Версаче. Не сум била откако го родив моето четврто дете. Секоја година сум поинаква верзија од себе од претходната, па затоа ми е важно да можам да стојам во верзијата од себе каква што сум денес – и сите искуства што ги имав – со сила и самодоверба. Исто така е важно да останам дома на каучот со децата во пижами. Можноста да ги правам и двете е чест за која никогаш нема да престанам да бидам благодарна“, изјави таа за „Вог“.
Текстот (Видео) „Најомразената холивудска актерка“ се врати и го освои модниот свет со триумфален фустан е превземен од МАКФАКС.
