Зои Кравиц и Хари Стајлс наводно планираат заедничка иднина, а откако минатата недела се појавија гласини дека се свршиле, веста е потврдена.

Популарниот пејач ѝ предложи брак на убавата актерка по една година врска, а сега и нејзиниот поранешен вереник, актерот Ченинг Тејтум, исто така е тема на вестите. Лојалните обожаватели не можат ништо да пропуштат, па го „поткачија“ и него, со кого раскинувањето беше бурно и за кое знае целиот свет.

Зои Кравиц и Ченинг се свршија по две години врска, и додека сите очекуваа омилениот пар да стапне на „лудиот камен“, раскинувањето следеше, во октомври 2024 година. Сепак, Зои подоцна во една прилика изјави дека „многу се грижи за него“.

И токму затоа популарниот актер сега е во центарот на вниманието; токму кога се појавија гласини за свршувачката на Зои и Хари, на 27 април, тој објави трогателна песна на својот Инстаграм, која зборува за конфликтот помеѓу срцето и умот.

Еден дел опишуваше како „срцето е секогаш тажно за нешто што се случи вчера“, додека главата е „секогаш загрижена за нешто што може да се случи утре“.

Подоцна, следеше уште една објава, во форма на видео од луѓе кои се удираат едни со други на улица со реквизити од пена за базен, со натпис „Откриена е нова алатка за терапија“, на што Тејтум додаде: „Можеби навистина ќе го направам ова среде Њујорк. Изгледа толку забавно“.

И додека актерот редовно објавува хумористична содржина на социјалните медиуми, обожавателите забележаа дека „нешто беше различно“.

„Треба да го проучиме влијанието што оваа жена го има врз мажите. Таа го натера Ченинг да објавува на Инстаграм како некој тинејџер од 2000-тите“, „Како воопшто најде објава што е толку во стилот на 2014 година?“, „Мажите се толку лажно длабоки… Што воопшто значи ова, умирам од смеа“, пишува во некои коментари на Reddit.

Ова однесување на Ченинг Тејтум многумина го споредуваат со однесувањето на Том Брејди, кој направи нешто слично во 2024 година, по објавата дека неговата поранешна сопруга Жизел Бундшен очекува дете со нов партнер.

Сакаме да напоменеме дека сето ова се шпекулации, бидејќи не е познато дали нешто од ова е поврзано со Зои Кравиц, туку е чисто имагинација на нивните обожаватели.

Зои и Хари наводно ја споделиле веста за нивната свршувачка само со најблискиот круг на луѓе, а гласините почнале да кружат откако биле фотографирани во Лондон, кога таа носела голем дијамантски прстен.

Текстот Ченинг Тејтум стана хит поради своите објави: Дали вака ја „дави“ тагата поради свршувачката на поранешната девојка? е превземен од МАКФАКС.

ПОВРЗАНИ НАПИСИПОВЕЌЕ ОД АВТОРОТ