Високата претставничка на ЕУ за надворешни работи и безбедносна политика, Каја Калас, смета дека европските земји треба да ја принудат Русија на вистински дијалог за мир, наместо да ја молат за преговори, пишува Украинска правда.
На прашањето на новинар дали Европа ги ризикува сопствените интереси со тоа што не се вклучува во дијалог со Русија додека САД го водат, Калас одговори дека во моментов не гледа знаци дека Русија е подготвена за значајни разговори и дека Европејците затоа не треба да ги бараат.
„Не треба да се понижуваме и да бидеме оние што прашуваат: ‘Ве молиме, ве молиме, разговарајте со нас’. Наместо тоа, треба да ги ставиме во позиција каде што ќе преминат од преправање дека преговараат на вистински преговори“, рече Калас по состанокот на Нордиско-балтичките осум (NB8).
Таа најави дека министрите за надворешни работи на ЕУ ќе се состанат на Кипар за да разговараат за барањата што блокот ќе ги постави кон Русија во врска со завршувањето на војната во Украина.
„На Кипар, планираме да разговараме со министрите за надворешни работи на Европската Унија каква е нашата визија и какви се нашите барања кон Русија откако ќе заврши оваа војна. Целта е да се осигураме дека Русија повеќе не претставува закана за која било од овие земји или за Европа како целина, бидејќи тоа беше проблемот. Значи, пред да разговараме со нив, навистина треба да се согласиме за што сакаме да разговараме“, објасни таа.
Текстот Калас: Русија треба да биде принудена на дијалог, а не да биде молена за преговори е превземен од МАКФАКС.
