НАТО вчера пресретна руски стратешки бомбардери и борбени авиони кои летаа над Балтичкото Море. Тоа беше демонстрација на воздушна моќ на источниот крило на Алијансата, додека фокусот на светската јавност останува на Блискиот Исток, пишува „Вашингтон пост“.

Француските ловци „Рафал“ полетаа од литванската воздухопловна база каде што се стационирани како дел од долгогодишната мисија на НАТО за воздушна полиција.

Ловците, вооружени со ракети воздух-воздух, им се придружија на авионите од Шведска, Финска, Полска, Данска и Романија, кои сите полетаа за да ја проверат и следат руската формација, соопшти францускиот одред.

Руската мисија вклучуваше два суперсонични бомбардери Ту-22М3, како и десетина ловци – Су-30 и Су-35 – кои наизменично ги придружуваа големите стратешки бомбардери, се вели во соопштението.

Руското Министерство за одбрана соопшти дека летот на бомбардерите со долг дострел бил планиран и се случил во воздушниот простор над неутралните води на Балтичкото Море. Летот траел повеќе од четири часа, соопшти министерството на Телеграм во понеделник.

„Во одредени фази од рутата, бомбардерите биле придружувани од ловци од странски држави“, соопшти министерството. „Екипите на авијација со долг дострел редовно вршат летови над неутралните води на Арктикот, Северниот Атлантик, Тихиот Океан, како и Балтичкото и Црното Море. Сите летови на руските воздухопловни сили се извршуваат во строга согласност со меѓународните правила за користење на воздушниот простор.“

Текстот (Видео) Ловците на НАТО пресретнаа руски стратешки бомбардери над Балтикот, објавена е снимка е превземен од МАКФАКС.

ПОВРЗАНИ НАПИСИПОВЕЌЕ ОД АВТОРОТ