Глечерите во Швајцарија ја претрпеа својата втора најлоша стапка на топење оваа година, по рекордните загуби во 2022 година, намалувајќи го нивниот вкупен волумен за 10 проценти во изминатите две години, пренесува Ројтерс повикувајќи се на податоци од мониторинг телото ГЛАМОС.
Топењето на глечерите во Швајцарија за време на третото најтопло лето во земјата досега значи дека тие изгубиле мраз за две години колку и во трите децении пред 1990 година, според извештајот, во кој загубите во обемот на глечерите се опишани како „катастрофални“.
Повеќе од половина од глечерите на Алпите се во Швајцарија, каде температурите се зголемуваат за околу двапати од глобалниот просек поради климатските промени.
Во август, месецот на најголемото топење, швајцарската метеоролошка служба соопшти дека висината на која врнежите замрзнуваат во текот на ноќта достигнала нов рекорд – 5.289 метри. Ова е надморска височина поголема од Мон Блан, највисокиот врв на Алпите и Европа. Ова го надмина минатогодишниот рекорд од 5184 метри.
