Русија рано утринава започна масовен напад со беспилотни летала погодувајќи ја критичната инфраструктура во западна и јужна Украина и уништувајќи приватни домови и деловни објекти во Харков, вториот по големина град во Украина, соопштија официјални лица.
Украинската воздушна одбрана соопшти дека соборила 24 беспилотни летала „шахед“ од 40 лансирани од Русија, што е најголемиот напад со беспилотни летала во последните неколку недели. Во нападот погодени се Харков на североисток, Одеса и Херсон на југ и регионот Лавов во близина на границата со Полска на запад.
Официјални лица велат дека Украина се подготвува за втора зима од руски воздушни напади врз нејзиниот енергетски систем, за кој предупредуваат дека е поранлив отколку минатата година.
