Дарко Каевски од СДСМ ја обвини кандидатката за градоначалник Данела Арсовска, која е поддржана од ВМРО-ДПМНЕ, Алијанса за Албанците и Алтернатива, дека нејзини компании не плаќале струја.
-Документи кои се доставени до нас откриваат голем скандал поврзан со кандидатката на ВМРО-ДПМНЕ за градоначалник на Скопје, Данела Арсовска.
Нејзина фирма „Империал – Данела” ДООЕЛ Скопје, понатаму „Империал ДООЕЛ увоз извоз Скопје” во кои таа била управител и сопственик, со години под закуп ја има спортската сала Расадник во Кисела Вода. Ова е тој Договорот за закуп.
Но, фирмата замислете, не плаќала струја! Фирмата на Данела направила долг од 3,3 милиони денари! Еве го вториот документ. Погледнете, долг од 3,3 милиони денари или 54 илјади евра. Данела ниту е чесна ниту е независна. Кандидатката на Груевски е иста како него. Ова почитувани граѓани е класичен пример за неодговорно, расипничко и недомаќинско работење. Неодговорен и нечесен однос кон имотот на граѓаните, кои се реални сопственици на салата, вели Каевски.
