Украинскиот претседател Володимир Зеленски потврди дека ќе има преговори меѓу Киев и Москва и дека тие ќе се водат долж границата меѓу Белорусија и Украина.
Во соопштението од кабинетот на Зеленски се наведува дека двете делегации ќе се сретнат „без предуслови“ во близина на реката Припјат.
Потегот се чини дека доаѓа по денешниот телефонски разговор меѓу белорускиот претседател Александар Лукашенко и Зеленски.
Во соопштението дури се вели дека Лукашенко „презел одговорност да се погрижи сите авиони, хеликоптери и проектили стационирани на белоруска територија да останат неподвижни додека не пристигне Зеленски и дека не почнат преговорите меѓу украинската и руската делегација“.
