Традиционалното лого на сината птица на Твитер е заменето со слика на кучето Шиба Ину, популарно меме од 2013 година, што е исто така криптовалутна шега заради која се тужи извршниот директор Илон Маск.
Според Ројтерс, новото лого се појавило на страницата два дена откако Маск побарал од судијата да ја отфрли тужбата за рекетирање вредна 258 милијарди долари во која се обвинува дека водел пирамидална шема за поддршка на мемето познато под името „дога“.
Маск се осврна на промената, твитувајќи дека ја ветил оваа промена уште пред една година во која друг корисник на Твитер му предложил на Маск да го купи Твитер и да го смени логото на птицата со познатото меме.
Адвокатите на Маск ја нарекоа тужбата на инвеститорите „Dogecoin“ како измислена тужба поради безопасните и често глупави твитови на Маск. Сè уште не е јасно дали промената е трајна.
Цената на криптовалутата „dogecoin“ се зголеми за повеќе од 20 отсто во последните 24 часа, односно на цена од околу девет центи во споредба со цената од нешто помалку од осум центи, која беше во понеделник наутро. Патем, ова меме е создадено од неколку софтверски инженери како шега на 6 декември 2013 година.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
