![](https://zoom.mk/wp-content/uploads/2021/11/tusk-739x470-png.jpg)
Полската полиција денеска привремено му ја одзеде возачката дозвола на поранешниот висок функционер на Европската унија, Доналд Туск и го казни поради пребрзо возење.
Туск (64), кој сега е лидер на главната полска опозициска партија, Граѓанска платформа, напиша на Твитер дека казната е адекватна и оти ја прифатил без дискусија, пренесе АП.
Дозволата му е одземена на три месеци, а заработил и 10 од 24 максимални казнени поени.
Полицијата во Млава, во централниот дел на Полска, каде што е запрен Туск, соопшти дека 64-годишниот возач ја надминал дозволената брзина во населено место за повеќе од 50 километри на час.
Како што навеле од полицијата, ограничувањето на тоа место било 50 километри на час.