„Можеме“ ја претстави првата хрватска политичарка генерирана од вештачка интелигенција, а нејзиното име е Нитколина.
Таа е создадена за да се бори против лажните вести и информации за време на оваа изборна кампања, велат од Можеме.
„Јас сум Нитколина. Носителот на имагинарната дигитална изборна единица Можеме и првиот хрватски политичар со вештачка интелигенција. Постојам и не постојам во исто време. Нешто како лајковите на страниците на ХДЗ. Но, за разлика од тактиката што ја користат нашите политички противници за создавање конфузија и ширење дезинформации во дигиталниот простор, јас секогаш ќе бидам транспарентна и искрена со вас.
Јас сум потсетник на сè што е можно денес користејќи технологија. Во моето дејствување ќе се придржувам до етичкиот кодекс на партијата Можеме , а мојата единствена улога ќе биде да промовирам критичко размислување и да бидам пример дека сè што гледаме и слушаме не е нужно реално и вистинито. Па, излезете на гласање на 17 април. И среќен Велигден!“, гласи пораката на Нитколина.
