Иако денешните видео игри се многу понапорни и графички попрефинети, старите видео игри сè уште имаат свои обожаватели. Една од тие класични игри, Тетрис, повторно е во центарот на вниманието, благодарение на 13-годишно момче.
Играјќи тетрис, младиот Американец Вилис Гибсон, кој можеби е попознат по неговото стриминг име „Blue Scuti“, стана првиот човек кој – стигна до крајот на самата игра.
„Кога почнав да ја играм оваа игра, не очекував дека ќе ја срушам играта или ќе ја победам“, напиша Гибсон на својот канал на YouTube.
Дека неговиот успех го изненади можеби најдобро покажува реакцијата што ја имаше кога сфати што направил, а која ја објави во видео во кое покажа како го постигнал овој успех.
Успехот е уште поголем бидејќи Гибсон го собори светскиот рекорд за вкупен резултат, број на завршени нивоа и вкупен број на исчистени линии.
