Фиорентина ќе му го продолжи договорот на голманот Дави де Хеа. Како што пренесуваат медиумите од Апенините, клубот од Фиренца ќе ја активира клаузулата според која Де Хеа ќе остане на „Артемио Франки“ до летото 2026 година. Секако со тоа ќе му се зголемат и приходите. Во следната сезона ќе заработи 2,4 милиони евра.
Да потсетиме, шпанскиот голман пристигна како слободен играч пред неколку месеци во летниот преоден рок откако една година беше без клуб кога го напушти Манчестер јунајтед.
Не требаше да помине долго време за да ги покаже своите квалитеи. Де Хеа е меѓу најдобрите, а ко не и најдобра голман во Серија А во овој момент.
Де Хеа кариерата ја започна во Атлетико Мадрид, од каде во 2011 година се пресели во Манчестер јунајтед. Беше дел од тимот на „црвените ѓаволи“ кој ја освои последната титула во Премиер лигата, а со англискиот клуб освои и два ФА купа и по еден рофеј во Лига Купот и Лига Европа.
Текстот Фиорентина ќе му го продолжи договорот на Де Хеа е превземен од МАКФАКС.
