Ширење дезинформации за коронавирусот е овозможено на десетици профили на „Фејсбук“ и „Инстаграм“, кои добиле приближно 370.000 следбеници во текот на изминатата година, покажува новиот извештај на „Њуз гард“ (NewsGuard). Студијата, која следи дезинформации на интернет, наведува 20 профили, страници и групи што продолжуваат да шират теории на заговор и неточни тврдења за Ковид-19, но сè уште се на социјалните мрежи и добија десетици илјади нови следбеници.
Групите објавија дека вакцините против Ковид-19 им штетат на децата и генерално не се безбедни, а многу од тие објави на социјалните мрежи не означуваа предупредувања за корисниците, објави „Њуз гард“. Во извештајот се наведува дека иако некои од овие страници имале ознаки генерирани од „Фејсбу“ и биле пријавени дека содржат објави за Ковид-19, на корисниците не им било кажано дали тие информации се веродостојни.
Групата за мониторинг соопшти дека поднесува извештаи до Светската здравствена организација (СЗО) од септември 2020 година.
Алекс Кадиер, британски извршен директор на „Њуз гард“ (NewsGuard) и автор на извештајот, рече дека нивниот „извештај покажува дека, дури и кога постојано биле предупредувани, ‘Фејсбук’ и ‘Инстаграм’ не ги заштитиле своите корисници од дезинформациите за Ковид-19 и за вакцината“.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
