Годишната инфлација во Турција достигна 78,62% во Јуни, што е најмногу од 1998 година досега, покажуваат официјалните податоци кои беа објавени денес. Турскиот Институт за статистика или TurkStat ги објави месечните бројки во пресрет на кризата која ја очекува земјата. Цените на производите во јуни пораснаа за 4,95%, соопшти Институтот.
Advertisements
Додека многу земји се соочуваат со покачени цени на производите, критичарите го обвинуваат претседателот на Турција, Реџеп Тајип Ердоган, за неговата економска политика. Турскиот лидер инсистира дека инфлацијата е предизвикана од скапите камати на долговите, на што се спротивставуваат економистите, додека тој се залага за намалување на каматните стапки за да се поттикне растот и извозот.
Турската централна банка ги намали каматните стапки за пет процентни поени од септември досега на 14%. Турската лира минатата година изгуби 44% од својата вредност во споредба со доларот. Руската инвазија во Украина, која предизвика покачени цени на нафтата, гасот и житарките, уште повеќе ја влоши ситуацијата во Турција, која е зависна од извозот и увозот./inovativnost.mk/
