Американскиот претседател Доналд Трамп изјави дека неговата посета на Велика Британија е „една од најголемите почести“ во неговиот живот, во говор на вечера во замокот Виндзор.
Доналд Трамп истакна дека е единствениот американски претседател кој ја посетил земјата двапати, последниот пат во 2019 година.
„Тоа е навистина една од најголемите почести во мојот живот“, им рече тој на кралот Чарлс и 160 гости.
Претседателот повторно ја спомена „врската“ меѓу Велика Британија и САД.
Зборувајќи за овој „специјален однос“, тој рече дека од американска перспектива, зборот „специјален“ „не е ни приближно доволен“.
Тој рече дека двете земји се обединети од голем број работи како што се историјата, јазикот и трансцендентните врски на културата, традицијата, потеклото и судбината.
Кралот Чарлс ги истакна силните врски меѓу Велика Британија и САД во говорот на државната вечера во Виндзор во чест на американскиот претседател Трамп.
„Нашите народи се бореа и умреа заедно за вредностите што ги сметаме за вредни“, рече кралот Чарлс, пофалувајќи ја посветеноста на Трамп за наоѓање решенија за „некои од најтешките конфликти во светот“, објави Би-би-си.
Тој изрази „големо задоволство“ што имаше можност да ги пречека Трамп и првата дама на САД Меланија Трамп во замокот Виндзор во свое име и во име на неговата сопруга.
Кралот ја опиша пригодата како „уникатна“ и „важна“, што ја одразува силната врска меѓу двете земји.
фото: принтскрин
Текстот Трамп: Посетата на Велика Британија е една од најголемите почести во мојот живот е превземен од МАКФАКС.
