Селена Гомез продолжува да ги воодушевува обожавателите со детали од нејзината венчавка од соништата со Бени Бланко. Актерката сподели серија нови, интимни фотографии на Инстаграм во вторникот кои откриваат моменти што не беа претходно објавени, вклучувајќи го и првиот поглед на нејзината трета венчаница, онаа за приемот.
Винтиџ фустан за прием
На една од фотографиите, 33-годишната Гомез го бакнува својот сопруг на подиумот за танцување, облечена во елегантен бел фустан инспириран од винтиџ стил, со деколте во форма на срце. Објавата откри дека пејачката носела три различни креации за време на нејзиниот посебен ден, сите потпишани од познатиот дизајнер Ралф Лорен.
Долг вел и чипка на главната венчаница
Ѕвездата од серијата „Only Murders in the Building“ покажа и детали од нејзината главна венчаница. Станува збор за елегантен фустан, украсен со чипка околу вратот и долг, луксузен дел од фустанот што се влече. Изгледот го надополни со едноставен долг вел и фризура во стар холивудски стил со бранови.
Венчаница од чипка
Третата креација беше уште еден долг фустан со „халтер“ деколте, но овој пат со нагласен структуриран корсет и нежен чипкан подолг дел, додавајќи допир на модерна романтика.
Букет што ја претставува љубовта
Покрај модата, Селена сподели и други лични детали. Обожавателите можеа да видат крупен кадар од нејзиниот венчален букет составен од лилјани. Меѓународно познатиот организатор на свадби, Тајлер Спајер, ја објасни симболиката на цветот за „Пипл“: „Тој претставува љубов, чистота и обнова“.
„Тие се толку нежни и класичен избор за венчален букет“, рече Спајер. „Тие се безвременски избор за венчални букети и се популарни со децении“, додаде тој.
Торта со фигурини на младенците
На фотографиите беше вклучена и свадбената торта во облик на срце на која пишуваше „тукушто венчани“ и фигурини на младенците. Самата церемонија се одржа под цветен лак во голем бел шатор, додека приемот беше осветлен со свеќи. Аранжмани од далии ги красеа масите, а кадифените столчиња во боја на ‘рѓа додадоа есенски допир.
Двојката се венча на 27 септември во Санта Барбара, Калифорнија, а на свадбата присуствуваа бројни ѕвезди, меѓу кои Тејлор Свифт, Ед Ширан, Стив Мартин, Мартин Шорт, Камила Кабело, Парис Хилтон, Пол Рад и Кара Делевин.
фото: принтскрин
Текстот Селена Гомез објави нови свадбени фотографии, ги покажа сите три венчаници е превземен од МАКФАКС.
