Дали некогаш сте пробале пица со модар патлиџан? Ако не сте, еве идеална можност
СОСТОЈКИ:
еден модар патлиџан
400 гр излупени и сечкани домати
30 гр рендан пармезан
50 гр моцарела
три чешниња лук
лажица сол
три лажици маслиново масло
лажичка оригано
10 листови босилек
ПОДГОТОВКА:
Измијте ги модрите патлиџани и исечете ги на кругови со дебелина од два сантиметри. Ставете ги на хартиени крпи, посолете ги од двете страни и почекајте хартијата да го впие вишокот течност. Исечкајте го лукот и пржете го во две лажици маслиново масло.
Додадете домат и оригано, повремено промешајте со вилушка и варете додека не се згусне. Исцедените кругови од модар патлиџан наредете ги на подмачкан плех, посипете ги со оригано и прелијте со малку маслиново масло.
Се пече околу дваесет минути во загреана рерна на 200 степени. Во меѓувреме измешајте ги пармезанот и моцарелата и исечкајте ги листовите свеж босилек. Извадете ги модрите патлиџани од рерна, а потоа на секоја ролна ставете по една лажица доматен сос, босилек и мешавина од сирење.
Се пече во рерна додека кашкавалот не се растопи и добие златна боја.
