Кога пријателството ќе се роди од болка, понекогаш прераснува во најголема животна авантура. Таква е приказната на 84-годишните Елеанор Хамби и Сандра Хејзелип од Тексас, кои заедно ги освоија сите седум континенти за само 80 дена – со буџет од едвај 29 долари по ноќевање.
Елеанор и Сандра се запознале пред дваесетина години на медицинска мисија. Двете останале вдовици по трагични околности и токму тоа искуство ги зближило. Од тогаш, нивната врска станала нерскинлива – топлата и смирена Сандра и храброто, авантуристичко срце на Елеанор сфатиле дека ја делат истата страст: да го гледаат светот со радост и љубопитност.
@aroundtheworldat80 At age 80, I planned a once in a lifetime trip with my best friend. #aroundtheworld #friendship #bestfriends #aroundtheworldin80days #adventure #over60 #onceinalifetime @Penguin Random House @Penguin Books ♬ Breakaway – Kelly Clarkson
Тие патуваат по правило – никогаш прва класа.
„Во прва класа зборуваш само со туристи. Во втора класа ги запознаваш вистинските луѓе,“ вели Елеанор. Така престојувале во мали пансони и семејни куќи, често за цена пониска од 20 долари. Во Каиро, за 13 долари спиеле во скромна куќа со поглед на пирамидите.
„Феноменално,“ се сеќаваат – за таа цена ја гледале и светлосната претстава од покривот.
Нивното патување започнало на Антарктикот, а потоа како во романот на Жил Верн „Околу светот за 80 дена“, со авантуристички дух цртале патека преку светот. Патувањето станало вирален хит – луѓето ги нарекоа „патувачките баби“.
Денес, иако веќе не планираат повторно да го обиколат светот во трка со времето, Елеанор и Сандра продолжуваат да патуваат, само со помирно темпо. На 16 септември ќе ја издадат својата книга „Еве не тргнуваме: лекции за бестрашен живот од две патувачки баби“ (Here We Go: Lessons for Living Fearlessly from Two Traveling Nanas), во која ќе ги споделат животните лекции што ги научиле по пат.
„Мислевме дека ова е авантура само за нас, но луѓето од целиот свет ни дадоа љубов и поддршка,“ вели Сандра.
Нивниот совет е едноставен: „Светот е голем и прекрасен. Луѓето ве чекаат – само треба да им ги отворите срцата.“
Текстот „Патувачките баби“: Две 80 годишни пријателки го обиколија светот за 80 дена со буџет од 29 долари по ноќ е превземен од МАКФАКС.
