реклама
Потопеното неолитско наоѓалиште Солине кај Корчула крие остатоци од пат стар речиси седум илјади години, открија археолозите во подводното истражување. Под наслагите на морската кал биле откриени остатоци од пат кој, како што претпоставуваат научниците, ја поврзувал потопената праисториска населба на културата Хвар со брегот на островот Корчула.
Станува збор за внимателно наредени камени плочи кои биле дел од пат широк четири метри. Овој пат вештачки создадениот остров го поврзал со брегот, објаснуваат од Универзитетот во Задар.
Amazing archaeological discovery off the Croatian island of Korčula… https://t.co/r9IQLTC4ZO
— Croatia Week (@CroatiaWeek) May 7, 2023
реклама
Анализата на радиојаглеродот на зачуваното дрво пронајдено во последната археолошка кампања утврди дека целата населба датира од околу 4900 година п.н.е. На овој начин луѓето оделе пред речиси седум илјади години, се вели во соопштението на Универзитетот во Задар.
Во исто време, археолозите од другата страна на островот Корчула ја истражуваат земјата во близина на заливот Градина кај Вела Лука.
реклама
Раководителот на истражувањето Игор Борзиќ забележал чудни градби во морето на заливот, а археолошкиот тим кој нуркал на локалитетот Солине го испитал централниот дел на заливот Градина. Утврдено е дека на длабочина од четири до пет метри има населба речиси идентична со онаа во Солине, се вели во соопштението.
На локалитетот се пронајдени неолитски артефакти, како што се сечилата од кремен, камени секири и фрагменти од воденички камења.
реклама
Истражувањето го водеа Мате Парица од Универзитетот во Задар, како и Домагој Перкиќ (музеи на Дубровник), Иван Шута и Ведран Катавиќ (Музеј на градот Каштела), Катарина Батур (Универзитет во Задар), Марта Калебота (Музеј од градот Корчула), Едуард Вишковиќ (Кантарос ), со помош на Далибор Ќосовиќ од Нуркачкиот центар „Лумбарда Блу“.
реклама
