Русија ја насочи својата офанзива во источна Украина, во Донбас, речиси еден месец по почетокот на војната. Некои од најжестоките борби се забележани во северниот град Доњецк. Преземањето на контролата над овој град значи дека руските сили ја преземаат контролата врз регионот Луганск. Украинската војска соопшти дека Русија користи тешка артилерија против цивили.
Advertisements
„За да го покажат своето присуство во пограничните области, руските сили ја напаѓаат цивилната инфраструктура во населбите Чернихив и Суми во Украина. Во Слобожански, непријателот продолжува да ги бомбардира украинските единици со тешка артилерија“, рече Олександр Штупун, портпарол на украинските вооружени сили.
Во меѓувреме, Обединетото Кралство ќе испрати први ракети со долг дострел во Украина и покрај заканите на Русија кон Западот. Британскиот министер за одбрана Бен Валас изјави дека ракетни системи ќе бидат испратени во Украина, со цел оваа земја да биде заштитена од Русија. Одлуката е донесена во координација со САД, кои минатата недела најавија дека ќе испратат ракетни системи во Украина.
Во меѓувреме, британскиот секретар за правда Доминик Рааб во понеделникот објави дека тим од британски адвокати и полицајци ќе бидат распоредени за да му помогнат на главниот обвинител Карим Кан да ги истражи наводните руски злосторства во Украина..
Меѓународниот кривичен суд започна истраги кои би можеле да бидат насочени кон високи руски функционери за кои се верува дека се одговорни за воени злосторства, злосторства против човештвото и геноцид. Суровост и масовни гробници се пријавени во неколку градови и населени места во Украина, во областите првично окупирани од руските сили. Цивилните масакри беа откриени во Буча, град во близина на Киев, откако луѓе беа видени мртви на улиците, врзани со лисици.
Алсат
