По падот на авионот од типот „боинг 737“ на кинеската авиокомпанија „Чајна истерн ерлајнс“, во кој имаше вкупно 132 лица, не се пронајдени преживеани, а потрагата продолжува денеска, јави кинеската државна телевизија.
Во извештајот се наведува дека меѓу остатоците од авионот кои се пронајдени на местото на несреќата, досега не е пронајдено ниту едно лице.
Кинеската новинска агенција Синхуа јави дека авионот создал голема дупка во планинската област каде што се урнал, а оттаму додаваат дека црната кутија ќе се бара и со беспилотни летала.
Авион со 132 патници и член на екипажот кој летал од градот Кунминг во западната провинција Јунан кон индустрискиот центар Гуангжу на источниот брег на земјата се урна вчера во близина на градот Вужоу.
Засега не е позната причината за падот на авионот што бил во употреба шест години.
