Најмалку 100 лица загинаа кога брод со луѓе кои се враќале од свадба се преврте во северна Нигерија.
Жителите и полицијата сè уште трагаат по десетици луѓе кои биле на бродот што се преврте рано во понеделникот на реката Нигер. Досега, како што соопштија локалните власти, спасени се 100 луѓе.
Повеќето од оние што се удавиле биле роднини кои заедно присуствувале на свадба и таму останале доцна во ноќта. На свадбата пристигнале со мотори, но оттаму морале да заминат со брод бидејќи обилниот дожд го поплавил патот.
Несреќата се случила во три часот по полноќ кога бродот удрил во голем трупец во водата.
