Односите меѓу американските и руските екипажи на Меѓународната вселенска станица (МВС) воопшто не се променети поради ситуацијата во Украина и сите во вселенската станица имаат намера да работат продуктивно и да прават заеднички напори во операциите, изјави денеска астронаутот на НАСА Томас Маршбурн кој минатата недела се врати од МВС.
– Што се однесува до меѓународните односи, тоа воопшто не е променето. А ние имаме повеќе од 40 години односи со нашите меѓународни партнери и со руските колеги, рече тој по враќањето од вселенската мисија „Крев-3“ во која исто така беа астронаутите на НАСА Раџа Чари, Кајла Барон и астронаутот на германската европска вселенска агенција Матиас Маурер.
Астронаутот рече дека во текот на шесте месеци поминати на МВС, работата со сите колеги „не само што била продуктивна, туку и многу пријатна“ за екипажот и оти тие успеале да го одржат тој однос за да останат безбедни, живи и да завршат добра работа и да ја одржуваат вселенска станица.
