Повеќе од 200 цивили сè уште се заробени со украински борци во челичарницата Азовстал во опколеното јужно украинско пристаниште Мариупол, изјави денеска градоначалникот на градот Вадим Бојченко. Тој додаде дека вкупно околу 100.000 цивили се уште се во јужниот украински град, кој пред руската инвазија имаше околу 400.000 жители. Група од околу 100 украински цивили го напуштија Мариупол на 1 мај за југоисточниот град Запорожје, оддалечен околу 230 километри. Но, евакуацијата на цивилите од градот заглави бидејќи Русија го продолжи гранатирањето на Азовстал на 2 мај.
Advertisements
