Популарната пејачка Лејди Гага неколку пати во јавноста зборуваше дека се подложила на козметички третмани, но секогаш негирала какви било естетски зафати. Сепак, козметичките експерти забележале некои промени на нејзиното лице, пишува Дејли Мејл.
Нивното мислење е дека пејачката има направено естетски зафати, вклучувајќи ринопластика, отстранување на маснотии на лицето, па дури и операција за преобликување на аглите на очите.
Пластичниот хирург Џоел Копелман се сомнева дека Гага направила операција за затегнување на кожата. Истражувајќи ја нејзината трансформација во последните две децении, докторот анализирал нејзина фотографија од 2004 година, кога имала 18 години. Потоа забележал асиметрија во левиот горен очен капак во споредба со десниот и исполнетост на врвот на носот.
Лејди Гага 2010 година
„Од 2010 година пејачката почнува да изгледа поинаку“, истакна тој и додаде дека можеби го оперирала носот бидејќи тогаш носот и изгледал потесен. „Исто така, нејзините усни изгледаат пополни, па може да се заклучи дека најверојатно користи некои филери за полнење и зголемување на усните“, додаде Копелман.
Ја анализирал и нејзината фотографија од 2011 година, кога имала 25 години. Забележал дека и се подигнати очните капаци и поради тоа заклучил дека можеби имала операција за подигнување на очните капаци. Со фотографија од 2015 година заклучил дека Лејди Гага најверојатно ги отстранува салото од лицето.
Лејди Гага 2011 година
„Порано тоа беше шминка, но сега мислам дека има структурна промена“, додаде тој.
Лејди Гага 2018 година
На фотографијата од 2018 година тој ја забележал симетријата меѓу нејзините очни капаци и така заклучил дека сигурно имала операција на очните капаци. Овој доктор верува и дека Гага користела филери на усните и под веѓите.
Текстот Лејди Гага негира дека имала естетска операција, експертите тврдат дека направила нешто е превземен од МАКФАКС.
