Несоодветното складирање на лековите, поради недоволното ниво на здравствена едукација, е светски проблем, а фармацевтите советуваат дека во текот на летниот период потребно е да се зголеми грижата за заштита на лековите, имајќи предвид дека повеќето од нив не поднесуваат температури повисоки од 25. степени.
Високите температури може да предизвикаат промена на активните супстанции, што ќе ја намали ефикасноста на лекот, но може да доведе и до промена на бојата, конзистентноста, мирисот, вкусот или да предизвика процес на распаѓање на лекот, велат од Хемофарм.
Истражувањата ширум светот покажуваат дека директна изложеност на лекови на сончева светлина е забележана во 10,9 проценти од домаќинствата, складирање на лекови во кујна, бања и гаража во 38,3 проценти и складирање на дофат на деца во 76 проценти од случаите. Лековите кои повеќе не се користат најчесто нелегално се фрлаат во животната средина во 92,1 отсто од домаќинствата.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
