Нејзините застрашувачки фотографии беа едни од највиралните. Со својата измислена приказна и неверојатниот изглед таа привлече големо внимание кон себе.
Имено, една девојка по име Сахар Табар (21), сакала да привлече внимание со својот физички изглед, тврдејќи дека личи на Анџелина Џоли.
Поради нејзиниот хорор изглед, таа стана позната и како „Зомбито Анџелина Џоли“.
Рекла дека направила 50 операции и дека ослабела 40 килограми за да стане што е можно повеќе слична на филмска дива. Многумина беа згрозени од нејзиниот изглед, за подоцна да дознаат дека девојката ги измамила сите луѓе, што и самата го признала.
„Сето тоа е фотошоп и шминка. Секогаш кога објавувам фотографија, го цртам своето лице на неверојатно смешен начин. Така се изразувам, тоа е дел од уметноста. Моите обожаватели знаат дека тоа не е моето вистинско лице”, рекла Сахар.
Набргу потоа, младата девојка е уапсена под обвинение за „културни злосторства и социјална и морална корупција“.
Според иранската новинска агенција, таа се соочила со обвиненија за богохулење, поттикнување насилство, стекнување приходи со несоодветни средства и поттикнување на млади луѓе на корупција. Девојката е осудена на 10 години затвор.
Многумина веруваат дека била неправедно обвинета, бидејќи се што направила Сахар Табар (21) е со шминка и фотошоп да ја направи „Зомби Анџелина“ од себе.
