Украинскиот министер за надворешни работи, Дмитро Кулеба, изјави дека планира да упати апел до своите колеги од Г7 и до земјите од НАТО да го исполнат барањето на Украина да биде снабдена со доволно оружје за да им се спротивстави на руските сили.
„Главна тема на мојата презентација во Брисел ќе биде снабдувањето на Украина со сето неопходно оружје“, рече Кулеба во видеообраќањето, пренесува „Ројтерс“.
Украинскиот функционер изјавил дека в четврток ќе се сретне со министрите за надворешни работи на другите земји, наведува британската агенција./makfax
