Косово прославува 16 години од независноста. Претседателката Вјоса Османи, премиерот Албин Курти и претседателот на Собранието Глаук Коњуфца, ги посетија споменикот на исчезнатите, гробот на поранешниот претседател Ибрахим Ругова и активистот Адем Демачи, оддавајќи им чест за нивното жртвување на државата. Државниот врв, заедно со голем број граѓани, го посетија Меморијалниот комплекс „Адем Јашари“.
Претседателот на Косово, Вјоса Османи, рече дека овие 16 години од својата државност, Косово му докажа на светот дека придонесува за мирот, безбедноста и стабилноста.
„Во текот на овие 16 години на нашата држава, Косово направи важни чекори напред и одлучно. Се разбира, да му покаже на светот дека не само што ја заслужува својата слобода, туку и придонесува за мирот, стабилноста и безбедноста, дури и надвор од нејзините граници“, рече Вјоса Османи, претседателка на Косово.
За премиерот на земјата, Албин Курти, Косово никогаш не било толку силно, безбедно и демократско.
„Во однос на безбедноста и интегритетот, мора да кажеме дека нашата заедничка Република никогаш не била толку силна, безбедна, слободна и демократска“, Албин Курти, премиер на Косово.
Честитки по повод независноста на Косово пристигнаа и од техничкиот премиер на земјата, Талат Џафери, од претседателот на Албанија, Бајрам Бегај, премиерот Еди Рама, како и од државниот секретар на САД, Антони Бликен.
„САД веруваат дека иднината на Косово е во Европа и евроатлантските институции. Со нетрпение очекувам да го продлабочиме нашето партнерство во зајакнувањето на демократијата и создавањето услови за Косово, и сите негови граѓани да напредуваат во побезбеден, постабилен и попросперитетен свет “, рече Ентони Блинкен, државен секретар на САД.
На свечената седница на Собранието на Косово, по повод 16-годишнината од независноста, пратениците и државниот врв потсетија на историските достигнувања на генерациите во земјата, и заложбата за членство во Европската унија. Попладнето на 17 февруари 2008 година, Собранието на Република Косово во Приштина, официјално прогласи независност. Со години, до јуни 1999 година, косовските Албанци ги трпеа последиците од режимот на српскиот претседател Милошевиќ./Алсат.мк
Џесика Салахи
