Има луѓе кои едноставно не сакаат да бидат сами и секогаш бараат друштво. Без разлика дали се работи за пријатели или семејство, тие најдобро се чувствуваат кога се опкружени со саканите. Можеби тие се предодредени за тоа. Според астрологијата, таквите луѓе се родени во овие хороскопски знаци.
Близнаци
Близнаците едноставно се создадени за комуникација. Без разлика каде се – на кафе, во трамвај или во лифт – тие секогаш наоѓаат со кого да разговараат. Кога се сами, се чувствуваат како да им е одземена супермоќта бидејќи нивната потреба за интеракција никогаш не спие. Овој знак има премногу мисли за да ги задржи само за себе, па друштвото секогаш е неопходно за одржување на нивната ментална рамнотежа.
Вага
Вагите копнеат за урамнотежен живот и ништо не ја нарушува таа рамнотежа како осаменоста. Мразат да бидат сами затоа што тогаш се чувствуваат нецелосни – како да им недостига дел од мозаикот. Вагите сакаат хармонија, па затоа попрво би организирале вечера за осум луѓе отколку да седат сами дома со Нетфликс. Кога се опкружени со луѓе, се чувствуваат како се да е на свое место.
Лав
Лавот мора да биде во центарот на вниманието, и тоа не било кој, туку оној што сјае и свети како рефлектор на сцената. Лавовите се хранат со енергијата на другите луѓе и сакаат кога сите околу нив се воодушевени од нивниот изглед. Самотијата не им одговара бидејќи немаат кому да ја покажат својата блескава личност, а без публика Лавот едноставно не е Лав.
Текстот Копнеат по избалансиран живот: хороскопски знаци кои не поднесуваат да бидат сами е превземен од МАКФАКС.
