Регионалниот директор на Светската здравствена организација за Европа, Ханс Клуге денеска изјави дека е загрижен оти ширењето на мајмунските сипаници може да се забрза во регионот бидејќи луѓето се собираат на забави и фестивали во текот на летните месеци.
– Додека влегуваме во летната сезона во европскиот регион, со масовни собири, фестивали и забави, загрижен сум дека преносот може да се забрза бидејќи моментално се откриваат случаи меѓу сексуално активните луѓе и симптомите се непознати за многумина, рече Клуге.
– Хигиената на рацете и респираторната хигиена, заедно со личната заштитна опрема и соодветната изолација на сомнителните и потврдени случаи се исто така клучни за намалување на преносот во здравствените установи – мерките што сите ги следевме за Ковид-19, нагласи регионалниот директор на СЗО за Европа.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
