Иранскиот министер за надворешни работи, Абас Арагчи, денес потврди дека утре ќе се сретне со своите колеги од Велика Британија, Франција и Германија и со министерот за надворешни работи на ЕУ во Женева, објавија денес иранските државни медиуми.
Тој рече дека состанокот е свикан на барање на три европски земји – Франција, Германија и Велика Британија.
„Утре ќе се сретнеме со европската делегација во Женева“, рече министерот, според соопштението што го пренесе иранската новинска агенција ИРНА.
Средбата ја објави германски дипломатски извор.
Тој вчера изјави дека европските министри првин ќе се сретнат со шефот на европската дипломатија, Каја Калас, во германското постојано претставништво во Женева по што ќе одржат заеднички состанок со својот ирански колега.
Целта на состанокот, кој се одржува во координација со САД, е да ја убеди иранската страна цврсто да гарантира дека ќе ја користи својата нуклеарна програма исклучиво за цивилни цели, додаде изворот.
Текстот Иранскиот министер за надворешни работи на средба со лидерите на ЕУ е превземен од МАКФАКС.
