Израел изврши 17 напади врз јужните предградија на Бејрут во текот на ноќта, при што синоќа беа погодени шест згради, како и просториите на телевизиска станица поврзана со Хезболах, јавија либанските државни медиуми.
Ова се случи откако Хезболах истрела ракети во централниот дел на Израел додека земјата почнува да го слави празникот Симхат Тора, пишува Тајмс оф Израел.
Либанската Национална новинска агенција (ННА) извести за најмалку 17 израелски напади и шест згради уништени околу предградието Лејлаки, опишувајќи ги нападите како „најнасилни во областа од почетокот на војната“.
Нападите уследија откако портпаролот на израелските одбранбени сили на арапски јазик Авихаи Адрае издаде предупредувања за евакуација на социјалните мрежи.
Нема предупредување за нападот што го погоди квартот Џнах во јужен Бејрут, чија цел беше телевизиската станица Ал Мајадин, која потврди дека нејзините простории биле нападнати, истакнувајќи дека зградата била претходно евакуирана.
Во нападот едно лице загина, а пет се ранети, соопшти либанското Министерство за здравство.
Текстот Израел изврши 17 напади врз предградијата на Бејрут: едно лице загина, зградата на телевизијата е целосно уништена е превземен од МАКФАКС.
