Иако понекогаш делуваат комплицирано и нелогично, кралското семејство строго се придржува до правилата долги години.
За повеќето луѓе британското кралско семејство е интригантно, но и нејасно.
Една од работите што најмногу ги збунува луѓето ширум светот се долгите титули на членовите на кралското семејство.
Целата приказна станува уште посложена кога ќе навлезете длабоко и ќе се обидете да разберете какви титули имаат членовите сега, што ќе имаат кога ќе се искачат на тронот, кога доаѓаат од обичниот народ, кога ќе се венчаат или стапат во брак со кралското семејство и кога имаат женско или машко дете..
Комбинации има многу, а можеби и затоа некои се жалат дека сопругата на принцот Чарлс ја добила титулата принцеза, а нејзината снаа Кејт Мидлтон не.
Кејт Мидлтон – Војвотка
Иако нејзината свекрва беше непрежалената принцеза Дијана, а таа се омажи за принцот Вилијам (втор во ред за тронот) веднаш по нејзиниот татко, принцот Чарлс, Кејт Мидлтон не може да ја добие титулата принцеза.
Титулата е резервирана само за жените родени во кралското семејство, како што е принцезата Шарлот, единствената ќерка на принцот Вилијам и Кејт Мидлтон. Или принцезата Ана, ќерка на кралицата Елизабета Втора. Исто така, Евгенија и Беатрис, внуките на кралицата, станале принцези.
Така, откако се омажи за внукот на кралицата Елизабета, Кејт стана „Нејзиното кралско височество војвотката од Кембриџ“. Титулата и ја додели кралицата, а исто така и принцот Вилијам стана војвода од Кембриџ во тоа време.
Дијана, принцезата од Велс
Иако многумина погрешно веруваат дека нејзината официјална титула била принцезата Дијана, всушност медиумите и луѓето се тие кои ја нарекувале така.
Титулата што ја стекна со бракот со принцот Чарлс беше „Нејзиното кралско височество принцезата од Велс“.
Таа беше позната и како Дијана, принцезата од Велс. Таа имаше „принцеза“ во нејзиното целосно име, но тоа никогаш не беше формална титула бидејќи во спротивно ќе требаше „принцеза“ да биде на прво место, веднаш по нејзиното име.
Исто како што се случаите со споменатите принцези Шарлот и Ана.
Според Метро, самата Дијана истакнала дека нејзиниот наслов со кој и се обраќаат технички не е исправен. Меѓутоа, не секогаш важи кралското правило кое вели дека женските деца родени во кралското семејство ја носат титулата принцеза.
Зависи и од редот на родителите во кралската лоза.
На пример, ќерката на принцот Хари и Меган Маркл никогаш нема да ја има титулата принцеза. Тие на крајот можат да станат дами.
Истото важи и за нивните машки деца кои можат да станат господари. Треба да се напомене дека Меган и Хари по раѓањето на нивниот прв син Арчи истакнале дека не сакаат на децата да им дадат никакви кралски титули, а потоа самите го напуштиле кралството.
Истата аналогија важи и за децата на принцот Вилијам, но наводно кралицата одлучила Џорџ, Шарлот и Луис да ги добијат титулите на принцови и принцези.
