Светски познатиот портал за туристички препораки, „Лонли планет“ (Lonely Planet), ја објави својата листа најдобри дестинации за 2022 година.
Во 1973 година, една млада британска двојка – Тони и Морин Вилер, објави водич за евтини патувања во Азија. Тоа, по случаност, се претвори во глобален туристички бренд наречен „Лонли планет“. Речиси 50 години подоцна, нивната империја продолжува да расте, а бидејќи голем дел од светот полека се отвора по пандемијата на коронавирус, патувањата се сѐ почеста тема на разговор.
– По принудната пауза, време е „да ги тргнеме од полицата“ тие долго одложувани планови за патување и да ги претвориме во реалност. Списоците го слават светот во сета негова прекрасна примамлива разновидност, рече Том Хол, потпретседател на „Лонли планет“.
И оваа година, истакнати се 10 најдобри градови, подрачја и земји.
Топ 10 земји:
1. Кукови Острови,
2. Норвешка,
3. Маурициус,
4. Белизе,
5. Словенија,
6. Ангвила,
7. Оман,
8. Непал,
9. Малави,
10. Египет…
Топ 10 области:
1. Вестфјордс, Исланд,
2. Западна Вирџинија, САД,
3. Сишуангбана, Кина,
4. Херитиџ Коуст (Округот Кент), Обединетото Кралство,
5. Порторико, САД,
6. Шикоку, Јапонија,
7. Пустината Атакама, Чиле,
8. Сеник Рим, Австралија,
9. Островот Ванкувер, Канада,
10. Бургундија, Франција…
Топ 10 градови:
1. Оукленд, Нов Зеланд,
2. Тајпеј, Тајван,
3. Фрајбург, Германија,
4. Атланта, САД,
5. Лагос, Нигерија,
6. Никозија / Лефкозија, Кипар,
7. Даблин, Ирска,
8. Мерида, Мексико
9. Фиренца, Италија,
10. Ѓеонгжу, Јужна Кореја.
