Двократниот европски шампион Вардар немаше среќа во денешната ждрепка за квалификациите за Лигата на Европа, откако за противник го доби германскиот гигант Рајн Некар Левен.
Вардар првиот меч ќе го игра на домашен терен на 26. или 27. август, додека реваншите се закажани за една недела подоцна.
Вториот македонски претставник во квалификациите во европските натпреварувања, ГРК Тиквеш за противник во 2. коло во ЕХФ Европскиот куп го доби Фортоф Кремс од Австрија. Првиот натпревар кавадарчани ќе го играат на домашен терен, на 14/15 октомври.
