Европската Унија планира да одвои повеќе од 500 милиони евра за зголемување на производството на муниција со цел да и помогне на Украина и да ги надополни залихите на земјите-членки на ЕУ, според предлогот на Европската комисија.
Во предлогот се наведува дека ЕУ ќе ги субвенционира европските компании кои произведуваат оружје, со цел да се зголеми производството на муниција и ракети.
За да биде усвоен, планот треба да биде одобрен од владите на земјите-членки на ЕУ и Европскиот парламент.
