Како што ескалираше пожарот во Лос Анџелес на 7 јануари, градоначалничката Карен Бас се фотографираше на коктел-забава во амбасадата во Гана, покажуваат објавите на социјалните мрежи. До моментот кога таа го напушти собирот и се упати кон дома, масивни облаци од чад беа видливи низ градот, пишува Њујорк Тајмс.

Бас беше во западноафриканската земја како дел од делегацијата на администрацијата на Бајден на инаугурацијата на претседателот на Гана Џон Драмани Махама, на која таа присуствуваше претходно истиот ден, се дознава. Таа отпатува во странство на 4 јануари, кога Националната метеоролошка служба ги зголеми предупредувањата за претстојните силни ветрови, и се врати во Лос Анџелес околу 11 часот на 8 јануари, повеќе од 24 часа по избувнувањето на пожарите.

Портпаролот на градоначалникот рече дека американскиот амбасадор во Гана приредил прием за делегацијата пред да се упатат дома со воен авион. Тој изјави дека Бас го поминувалa поголемиот дел од времето на забавата правејќи повици во посебна просторија.

Одлуката на градоначалничката да го напушти градот среде временските предупредувања и времето на нејзиното враќање привлекоа критики и внимание на националните медиуми во последните денови.

Наводно, Бас се фотографирала на забавата нешто пред 20 часот по локално време во Гана, или пред пладне време во Лос Анџелес, според фотографијата објавена на социјалните мрежи на која се гледа часовникот на лице на забавата.

Неколку минути подоцна беа издадени наредби за евакуација во Палисадес.

Фотографиите на Инстаграм и ЛинкдИн ги објави Мариса Бауман, вработена во градот која не беше дел од официјалната делегација.

Текстот Градоначалничката на Лос Анџелес била на коктел во Гана кога избувнал пожарот во Палисадес е превземен од МАКФАКС.

ПОВРЗАНИ НАПИСИПОВЕЌЕ ОД АВТОРОТ