Кај македонскиот шампион, Струга можат да бидат задоволни од првиот европски меч оваа сезона, откако останаа непоразени на гостувањето во Литванија, одигрувајќи 0:0 со Жалгирис.
Во меч во кој голманите беа најимпресивни, тимот на Шпетим Дуро успеа да остане непоразен пред реваншот на „Билјанини Извори“ во Охрид, каде што ќе се обидат да го елиминираат литванскиот шампион и да закажат дуел со турскиот гигант Галатасарај во второто квалификациско коло.
Струга имаше најдобра шанса да стигне до гол преку Шабани во финишот на првото полувреме, но од друга страна литванскиот шампион имаше повеќе од играта, а Ведран Ќосевски на голот одбрани во неколку одлични ситуации за домашниот тим.
Во 91. минута од мечот, Жалгирис ја имаше најдобрата шанса, кога Жоел Бопесу ја погоди стативата./Makfax/
