Според „Гардијан“, Трамп сè уште размислува за можен американски напад врз Иран бидејќи не е убеден дека таканаречената бомба „разбивач на бункери“ всушност ќе го уништи клучниот нуклеарен објект на Иран, Фордоу.
Според „Гардијан“, Трамп им рекол на претставниците на Пентагон дека воениот напад би имал смисла само ако има гаранција дека GBU-57, бомба од 13,6 тони, може целосно да го уништи објектот, кој се наоѓа длабоко под земја. Иако му било кажано дека нападот најверојатно ќе го елиминира Фордоу, претседателот сè уште не дал зелено светло, надевајќи се дека заканата од вмешаност на САД ќе го принуди Техеран да преговара.
Клучниот нуклеарен комплекс на Иран
Фордоу се смета за критичен дел од нуклеарната програма на Иран, особено откако Меѓународната агенција за атомска енергија (МААЕ) утврди дека објектот збогатува ураниум до чистота од 83,7 проценти – многу блиску до границата од 90 проценти потребна за производство на нуклеарно оружје.
„Гардијан“ забележува дека уништувањето на Фордоу – или преку дипломатија или воздушен напад – во Вашингтон би се сметало за клучна цел во запирањето на нуклеарната програма на Иран.
За разлика од Соединетите Американски Држави, Израел нема капацитет да изврши таков удар: нема бомби со доволен потенцијал за пенетрација и нема авиони што би можеле безбедно да достават таков товар на таква длабочина. Затоа, евентуалниот напад врз Фордоу неизбежно би барал директна воена интервенција на САД.
Текстот „Гардијан“: Откриено е зошто Трамп се двоуми за напад врз Иран е превземен од МАКФАКС.
