Четириесет лица, вклучително и гости на хотел, беа евакуирани со хеликоптер за спречување катастрофи откако лавина блокираше три хотели во планинската област на градот Фукушима, соопштија денеска официјални лица.

Лавина се случи на 10 февруари на пат во областа Точиги Онсен, оставајќи три хотели изолирани, објави јапонскиот NHK.

Во моментот на несреќата во објектите се наоѓале вкупно 62 лица.

Никој од евакуираните не е повреден, а по пристигнувањето во градот Фукушима со автобуси биле пренесени до железничката станица.

На лице место остануваат 22 вработени, но тие имаат пристап до струја, вода и гас и во моментов нема барања за дополнителни набавки, соопштија властите.

Властите употребија дрон за да ја проценат ситуацијата на местото на лавината и ќе донесат одлука дали снегот може веднаш да се отстрани од патот.

Текстот (Видео) Снежна лавина блокираше хотели, луѓе евакуирани со хеликоптери: драма кај Фукушима е превземен од МАКФАКС.

ПОВРЗАНИ НАПИСИПОВЕЌЕ ОД АВТОРОТ