Министерката за внатрешна безбедност на САД, Кристи Ноем, вчера изнесе бизарно и вознемирувачко тврдење дека федералните агенти уапсиле наводен канибал-нелегален имигрант кој почнал да се јаде себеси за време на летот за депортација.
Ноем ја сподели анегдотата за време на посетата на депортацискиот камп познат како „Алигатор Алкатраз“ во Еверглејдс, јужна Флорида, со претседателот Трамп.
„Неодамна разговарав со некои маршали кои работат со ICE“, рече Ноем. „Ми кажаа дека уапсиле канибал и го ставиле во авион за да се врати дома, и додека бил на седиштето, почнал да се јаде, па морале да го симнат од авионот и да му обезбедат медицинска помош.“
Ноем, поранешна гувернерка на Јужна Дакота, ја искористи приказната за да истакне дека федералните агенти ги таргетираат „најлошите од најлошите“ нелегални имигранти во Соединетите Држави, а не чесните, вредни членови на заедницата, како што тврдат критичарите на администрацијата.
„Такви пореметени лица што шетаат по нашите улици во Америка, се обидуваме да ги пронајдеме и да ги истераме од нашата земја бидејќи се толку пореметени што не им е местото тука“, додаде таа. Министерството за внатрешна безбедност не можеше веднаш да даде потврдени детали за случајот што би се вклопило во приказната на Ноеми.
Флорида го изгради притворниот центар, кој се наоѓа на околу 65 километри западно од Мајами и е опкружен со мочуриште исполнето со алигатори и питони, само осум дена откако администрацијата на Трамп ја прифати понудата на државата да го користи земјиштето од 101 квадратен километар за поддршка на масовни депортации.
Текстот (Видео) Министерката на Трамп: Агенти сакале да депортираат канибал, тој почнал да се јаде во авионот е превземен од МАКФАКС.
